Пилотот на Дукати, Андреа Довициозо го забележа најбрзиот круг на првиот тренинг од натпреварувачкиот викенд на МотоГП во Катар - 1:55.366 минути.
Италијанецот го постигна ова во последните 3 минути од утринската сесија на „Лосаил“ и го остави ветеранот Валентино Роси на втората позиција.
Во топ 3 заврши Марк Маркез, кој ја брани титулата во кралската класа.
Зад топ 3 место најде дуото на Сузуки - Андреа Јаноне и Алекс Ринс, чиј мотор демонстрира доста подобра форма од сезоната 2017.
Минатогодишниот победник во Катар Маверик Вињалес го заврши тренингот со 11-то време.