Тим од 15 специјалисти има задача да се грижи за седумкратниот Ф1 шампион Михаел Шумахер во неговиот дом во Швајцарија, тврди германскиот весник „Билд ам Зонтаг“. 45-годишниот Шумахер беше преместен од клиниката во Лозана во неговиот дом во швајцарското гратче Гланд на брегот на езерото Женева.
„Поголемиот дел од тимот кој се грижи за Михаел доби обука од нашите специјалисти. Ние следиме како се одвива третманот и сме им достапни постојано“, вели портпаролот на клиниката во Лозана, Дарси Кристен.
Шумахер доби сериозни оштетувања на мозокот при падот на скијање во Мерибел на Француските Алпи на 29 декември 2013, по што до јуни 2014 беше во вештачка кома во клиниката во Гренобл.