Британскиот возач Луис Хамилтон беше најбрз на трката од Шампионатот во Формула 1 возена вчера попладне за Големата награда на Сингапур.
По оваа победа, 29. во кариерата за Хамилтон, Британецот се искачи на водечкото место во Генералниот пласман, пред досегашниот лидер Нико Розберг исто така возач на Мерцедес кој не ја заврши трката.
На победничкиот подиум покрај Хамилтон се најдоа двајцата клупски колеги од Ред Бул, Себастијан Фетел и Даниел Рикардо.
Покрај овие тројца пилоти, бодови во Сингапур освоија:
Фернандо Алонсо (4.место), Фелипе Маса (5), Жан-Ерик Верње (6), Серхио Перез (7), Кими Раиконен (8), Нико Хулкенберг (9) и Кевин Магнусен (10).
Генерален пласман: Хамилтон 241 бод, Розберг 238, Рикардо 181, Алонсо 133,...
Пласман конструктори: Мерцедес 479 бодови, Ред Бул 305, Вилијамс 187, Ферари 178,...
До крајот на шампионатот остануваат уште пет трки.