Фетел утрово триумфирше на трката за ГН на Малезија. Актуелниот светски првак Хамилтон ја освои пол позицијата и важеше за фаворит за втор триумф сезонава после победата во Австралија.
Себастијан со одлично возење и добра тимска тактика успеа да го надмудри Британецот и да дојде до својата прва победа во болидот на Ферари.
Тактичкото надмудрување на двата тима беше присутно во текот на целата трка но тимот на Ферари сепак му овозможи победа на нивниот возач. По пауза од речиси две години Ферари успеа да застане на тронот со што најави интересна сезона.
Розберг од Мерцедес ГП се најде на третото место, пред Кими Раиконен од Ферари.