Репрезентацијата на Франција останува олимписки шампион во ракомет и во наредните четири години.
Французите до второто злато на олимписките игри стигнаа со победа против Шведска од 22:21 во финалниот натпревар. За „триколорите“ ова е вкупно трет медал од Олимпијадите откако првиот (бронзен) го освоија на игрите во Барселона 1992 година.
Хрватска ја освои бронзата со победата над Унгарија од 33:26. За Хрватска ова беше трет медал на ОИ по двете злата освоени на игрите во Атланта 1996-тата и Атина 2004-тата година.