Како да му се малку проблемите со кои се соочува во клубот, на адреса на тренерот на Металург, Лино Червар стигнува нова честитка.
Управата за јавни приходи, објави листа на должници на која се наоѓа и Лино Червар. Сумата која хрватскиот тренер со македонски пасош ја должи на државата е 1 705 129 денари или околу 28.000 евра, пренесува Македонски Спорт.
Во меѓувреме се подготвува тужба за неплатени долгови и за Металург, но од страна на ракометарите. Тие кои заминаа на почетокот на годината. Сите имаа договори со клубот кои договорно беа раскинати, а клубот требаше да ги обесштети.
Но, Металург не го заврши својот дел од договорот, играчите ангажираа адвокати и наскоро предметот ќе се најде во судница.
Инаку, Червар во декември 2012, беше „почестен“ со македонски пасош, по одлука на владината сендница заради заслугите на хрватскиот стратег кој ги има постигнато со ракометниот клуб Металург.