Најквалитетните осум ракометни екипи во Европа викендов ќе ги одиграат првите четврт-финални натпревари во Лигата на шампионите. Трета сезона по ред, во ова друштво се наоѓа и македонскиот првак Вардар, кој утре (16 ч.) против Веспрем, ќе се обиде да оствари значајна победа, пред реваншот.
„Веспрем ни е добро познат противник и знаеме дека дека мораме да одиграме цврсто во одбраната и да биде искористена секоја можност за лесни погодоци. Јас сум оптимист и мислам дека ќе одиграме добар натпреварар, иако мора да се потенцира дека нема да биде лесно. Ќе треба да бидеме трпеливи, да немаме падови во играта и да не мислиме на реваншот. За мене најважно е да победиме, не е важно со колку разлика. Најважно е навивачите да бидат во текот на сите 60. минути за нас, непрекинато да навиваат како што впрочем тоа и го прават на секој меч. Нашиот противник има играчи како Палмарсон, Наѓ и Илиќ кои знаат да ја искористат секоја шанса, но ќе кажам уште еднаш дека сум оптимист и дека можеме да дојдеме до победата“, изјави Гонзалез.
Квалитетот на противникот е познат, впрочем овие два колектива во последните две години се сретнале седум пати, од кои во три од нив, унгарскиот шампион излегувал како победник, додека „црвено-црните“ само еднаш се радувале на победата. Но, Вардар секоја година созрева како тим и è се поблиску до толку посакуваниот фајнлфор.
„Фаворитската улога ќе ја препуштам на Веспрем. Ова фаза е последната пречка за тој фајн-фор што е толку посакуван во последните години. Неколку пати иравме против Веспрем оваа сезона, па затоа двете страни добро се познаваат. Се согласувам со тренерот Раул дека одбраната ќе биде таа што ќе го реши победникот, и знаеме ни е дека ќе биде тешко. Тие имаат искусен тим, но, ние играме на домашен терен, пред нашата публика и таа е предност која може да ми помогне за да дојдеме до триумфот, потенцира Стоилов.