Машката ракометна репрезентација на Македонија со пораз стартуваше на турнирот „Трофеј Карпати“ што се одржува во Орадеа. Домаќинот Романија ја совлада Македонија со 31:27 (19:14).
Во составот на Македонија головите ги постигнаа: Левов 6, Митко Стоилов и Стојанче Стоилов постигнаа по 5, Златко Мојсоски 4, Филип Лазаров 3, Гоце Ојлевски 2, Никола Маркоски и Дејан Манасков по 1.
Најефикасен на натпреварот беше романскиот репрезентативец Валентин Гонеа со осум голови.
Во вториот натпревар од 1.коло Тунис ја совлада Белорусија со 29:28.
Денеска избраниците на вд. селекторот Ѕвонко Шундовски од 16 часот играат со репрезентација на Тунис., а утре во последното коло од 10 часот Македонија игра против Белорусија.