Најдобриот светски тенисер Рафаел Надал синоќа со многу мака успеа да ја постигне првата победа на Мастерс турнирот што се одржува во Лондон. Тој по два и пол часа игра го „скрши“ отпорот на Енди Родик и победи со 2:1 по сетови, 3:6; 7:6 (7:5); и 6:4.
Во првиот вчерашен меч од „А“ групата Новак Ѓоковиќ го совлада Томаш Бердих со 6:3 и 6:3 по сетови за еден и пол час игра.
Денеска се играат мечевите од групата „Б“. Први на теренот ќе се појават Рожер Федерер и Енди Мареј, а во вечервата програма ќе играат Робин Содерлинг и Давид Ферер. Федерер и Мареј веќе имаат по една победа.