Најдобриот светски тенисер Рафаел Надал без многу напор ја постигна втората победа на Мастерсот што се одржува во Лондон. Тој во синоќешниот меч од групата „А“ го совлада Новак Ѓоковиќ (Србија) со 7:5 и 6:2 по сетови.
Во вториот меч од оваа група Томаш Бердих (Чешка) го совлада Енди Родик (САД) со 7:5 и 6:3 по сетови.
По двете кола на чело на групата е Надал со скор 2 победи без пораз, пред Ѓоковиќ и Бердих кои имаат скор 1-1, а Родик е без победа со 2 пораза.
Денеска се играат мечевите од „Б“ групата: Рожер Федерер (Швајцарија) против Робин Содерлинг (Шведска) и Енди Мареј (Велика Британија) – Давид Ферер (Шпанија).