Рафаел Надал се квалификуваше за полуфиналето на АТП Финалето во Лондон со тешко изборена 7:6(7:3)/6:1 победа над Чехот Томаш Бердих. Прворангираниот Шпанец влегува во полуфиналето како победник на А групата со 3-0 скор и ќе се сретне со светскиот број 5, Британецот Енди Мареј, додека Бердих е елиминиран.
Новак Ѓоковиќ пак ја потврди својата добра форма во финишот на сезоната, откако со 6:2/6:3 лесно го помина Американецот Енди Родик, за да обезбеди пресметка со светскиот број 2, Рожер Федерер. Губејќи со 6:5 во првиот сет, Надал на кратко ја изгуби контролата, и луто се расправаше со судијата на столче откако Бердих доби поен за кој Надал сметаше дека треба да се преигра. Ова доаѓа откако Надал го замени Рожер Федерер како добитник на наградата за фер-плеј во тенисот за 2010.