Со четирите натпревари од 2.коло во Ц и во Д групите денеска ќе продолжат возбудувањата на 9.то Европско првенство за жени што се одржува во Данска и во Норвешка.
Денеска се играат дуелите во градовите во Норвешка. Во Ц групата во Ларвик играат Шведска – Украина (почеток 17:45 часот) и Холандија – Германија (19:45).
На вчерашните натпревари во оваа група беа постигнати следниве резултати: Германија – Шведска 25:27 и Украина – Холандија 13:25. Во Д групата европскиот првак Норвешка во Лилехамер од 20:15 часот игра против Словенија, додека два часа порано ќе истрчаат на теренот Франција и Унгарија.
Во 1.коло вчера беа постигнати следниве резултати: Унгарија – Словенија 28:19 и Норвешка – Франција 33:22.
Во А и во Б групите денеска е слободен ден. Во А групата во Алборг вчера: Шпанија – Романија 26:30 и Данска – Србија 25:20. Во Б групата беа постигнати следниве резултати: Црна Гора – Русија 24:22 и Хрватска – Исланд 35:25.