Актуелниот првак во НБА лигата, екипата на Лос Анџелес Лејкерс загуби на ноќешното гостување кај Кливленд со 104:99. Ниту 30-те поени и 20-те остварени скокови на По Гасол не му помогнаа на шампионот да го избегне поразот од екипата со најслаб учинок во НБА лигата оваа сезона. За Кливленд ова беше само 10-та победа, а има 46 порази.
На другите 11 ноќешни натпревари од НБА лигата постигнати се следниве резултати: Орландо - Вашингтон 101:76, Торонто - Мајами 95:103, Бостон - Њу Џерси 94:80, Детроит - Индијана 115:109 (по продолжение), Њујорк - Атланта 102:90, Минесота - Лос Анџелес Клиперс 90:98, Далас - Сакраменто 116:100, Хјустон - Филаделфија 105:114, Милвоки - Денвер 87:94, Јута - Голден Стејт 100:107 и Портланд - Њу Орлеанс 103:96.
Два натпревари се на распоредот вечерва. Чикаго е домаќин на Сан Антонио, а Феникс го пречекува Далас.
Табела - Источна конференција: Бостон 40-14 (победи - порази), Мајами 41-15, Чикаго 37-16, Орландо 36-21, Атланта 34-20,...
Табела - Западна конференција: Сан Антонио 46-9 (победи - порази), Далас 39-16, Лос Анџелес Лејкерс 38-19, Оклахома Сити 35-19, Портланд 32-24, Њу Орлеанс 33-25, Денвер 32-25,...