СО ПОБЕДАТА НАД ШАХАР ПЕЕР, ДАНКАТА ЈА ЗАМЕНИ КИМ КЛАЈСТЕРС НА ВРВОТВозниацки повторно број 1Каролине Возниацки осигура дека ќе го врати првото место на ВТА рејтинг листата од Ким Клајстерс откако со 6:2/6:4 ја совлада Израелката Шахар Пеер за пласман во полуфиналето на Дубаи Шампионатот.
20-годишната Данка го загуби првото место во понеделникот, но ќе го врати веќе следната недела, а во Дубаи за место во финалето ќе се бори со Србинката Јелена Јанковиќ, која со 6:3/5:7/7:6(4) ја совлада 4. носителка, Саманта Стосур. Во полуфиналето е и Светлана Кузнецова, која со 7:6/6:3 беше подобра од Полјачката Агниешка Радванска.
"Секако дека е убаво пак да си број 1. И дадов на Ким само една недела, и сега се надевам дека јас ќе го задржам подолго", изјави Возниацки.
ВТА објави дека Возниацки е сигурна на врвот барем четири недели до 20 март. По краткотрајниот престој на врвот, Клајстерс и прати кратка порака на Данката на својот Твитер акаунт: "Честитки. Ха ха ха".
Возниацки стана првата Данка со првото место на ВТА листата откако ја помина повредената Американка Серена Вилијамс во октомври и остана таму 18 недели. Таа сепак се уште нема пласман во гренд слем финалето, а на Австралискиот Опен во јануари загуби од Кинеската Ли На во полуфиналето. Лани сепак Возниацки имаше дури 6 титули, и Пеер вели дека таа го заслужува првото место, посочувајќи дека и Клајстерс исто така беше број 1 пред да стигне до својата прва од четирите гренд слем титули.
"Компјутерот не го исфрли нејзиното име случајно. Таа има толку многу титули и сигурна сум дека ќе освои гренд слем. Се гледа дека работи напорно и дека е тука за подолго време", вели Пеер.
|