Рожер Федерер вели дека е добро за тенисот што Новак Ѓоковиќ го освои Вимблдон и стана светски рекет број 1. Швајцарскиот "Маестро" смета дека Србинот го заслужува успехот по неверојатниот старт на сезоната, и дека не е големо изненадување што го декласираше Рафаел Надал во финалето во Лондон, сметајќи на тоа дека четири пати го совлада Шпанецот во финалиња во 2011.
Федерер е шесткратен Вимблдон шампион, но сега е само на третото место на АТП листата откако загуби во 1/4 финалето во Лондон од Французинот Жо-Вилфрид Цонга, по што призна дека не го гледам финалето во неделата во Швајцарија.
Тој зборуваше пред
Дејвис Куп дуелот со Португалија, кој Швајцарија мора да го добие да ги задржи надежите за влезе во елитната 16-члена Светска група следната година.
Во понеделникот навечер пак над 100.000 фанови го пречекаа шампионот во центарот на Белград во автобус со отворен покрив кој часови се движеше од аеродромот до плоштадот кај Српскиот парламент.
"Ова е неверојатно и на сите вас ви должам вечна благодарност за овој прием. Дојде времето да ги покажам своите емоции и да кажам дека српските фанови се најдобри на светот", изјави Ѓоковиќ, кој се подготвува за 1/4 финалето од Дејвис Купот на шампионите против Шведска.