Македонската ватерполо репрезентација со резултат 16-4 ја совлада репрезентацијата на Турција во воведниот натпревар од Европското првенство во ватерполо кое од денеска до 29 јануари ќе се одржи во Ајндховен.
Македонија беше најефикасна во третата четвртина кога постигна 6 гола, а во последната четвртина и дозволи на турската репрезентација да се опушти и да постигне 3 гола од вкупно 4-те на натпреварот.
Репрезентативците на Македонија беа максимално ефикасни во двата пенали кои им беа доделени, а од 29-те обиди, ги реализираа 16-те гола со кои го завршија натпреварот. Утре, Македонија ќе го одигра вториот натпревар од групата А, против јужниот сосед Грција и се до крајот на фазата по групи на 23-ти јануари, репрезентацијата силите ќе ги одмери со Унгарија, Италија,Турција и домаќинот Холандија.
На Европското првенство избраниците на селекторот Игор Гочанин се надеваат дека ќе се пласираат до 8-то место со што ќе изборат за место во квалификациониот турнир во Едмонтон за пласман на ЛОИ во Лондон оваа година.