Втор ден на Европското ватерполо првенство кое се одржува во Ајндховен Холандија.
Македонските ватерполисти кои вчера во 1-коло ги декласираа Турците, денеска се исправени пред императивот победа во дуелот со Грција.
Мотивот е голем, а влогот уште поголем имајќи во предвид дека победата ќе ги зголеми шансите на нашите ватерполисти за пласман на позицијата која носи место во квалификациите за Олимписките игри во Лондон.
Натпреварот Македонија – Грција кој се игра во рамките од групата „А“ започнува во 13 часот.
Во останатите два натпревари од оваа група ќе играат Холандија – Унгарија и Италија – Турција.
Во „Б“ групата двојките за денеска се: Србија - Германија, Шпанија - Романија и Црна Гора - Хрватска.
Потсетување на резултатите од натпреварите во 1-то коло:
Група „А“: Македонија - Турција 16:4, Грција - Холандија 14:12 и Унгарија - Италија 12:8
Група „Б“: Хрватска - Романија 10:7, Германија - Црна Гора 7:13 и Србија - Шпанија 8:5.