Македонските ракометари и ватерполисти денеска паузираат од големите европски натпреварувања во Србија и Холандија.
По два одиграни натпревари, репрезентациите во ракомет и ватерполо кои ја претставуваат Македонија на европските првенства денеска имаат слободен ден.
Селекцијата во ракомет вчера одигра драматичен меч со Германија кој го загуби со еден гол (24:23). Претходно, македонските ракометари одиграа нерешено со Шведска. По еден нерешен меч и еден загубен, избраниците на селекторот Звонко Шундовски шансата за понатамошнен пласман ќе ја бараат утре против репрезентацијата на Чешка.
Можноста за продолжување на настапите на ЕП и пласман во втората фаза им се зголемува доколку утре Шведска ја победи Германија и во Белград отпатуваат првите три селекции од групата каде е и македонската репрезентација.
Ватерполистите пак, во првото коло убедливо ја победија селекцијата на Турција со 16:4, додека од вчера загубија од Грција со 10:6. Шансата за понатамошен пласман ќе ја бараат утре против олимпискиот шампион Унгарија, по што ќе следуваат натпреварите против Италија и домаќинот на ЕП Холандија.