Ракометарите на Металург денеска и утре ќе одиграат два натпревара со екипата на Босна во рамките на СЕХА лигата. И двата дуела беа одложени поради настапите на двете екипи во Лигата на шампионите, а потоа и поради тоа што тимот од Сараево имаше и финансиски проблеми. Двата натпревара ќе се одиграат во салата „Автокоманда“ во Скопје, а првиот се игра попладнево со почеток во 18 часот.
Вториот натпревар на програмата е утре со почеток во 16 часот.
Утре ќе се одигра и дуелот на двете првопласирани екипи на табелата Вардар Про го пречекува Загреб. Почетокот на овој натпревар, кој ќе се одигра во СРЦ „Кале“ е во 18 часот.
Табела: Вардар Про 44 бодови (18 натпревари), Загреб 41 (16), Татран Прешов 37 (17), Металург 36 (15), Нексе 33 (18), Борац 29 (18), Ловќен 24 (17), Металопластика 14 (17), Извиѓач 10 (16), Босна 10 (13), Сутјеска 4 (16), Црвена Ѕвезда 3 (15).