Натпреварот од регионалната ракометна лига - СЕХА меѓу Вардар Про и Загреб КО, што требаше да се одигра утре од 18 часот е одложен поради смртта на директорот на хрватскиот клуб, 67-годишниот Бартол Калеб.
Во Вардар Про добија известување дека за утре е предвидена комеморацијата за долгогодишниот директор на Загреб и поради тоа хрватскиот претставник во СЕХА лигата, нема да допатува на натпреварот во Скопје.
Како една од резервните варијанти е средбата да се одигра в петок, но за тоа „црвено-црните“ ќе чекаат потврда од загрепчани.