Ракометарите на Металург забележаа уште една победа против Босна и со новите три бодови избија на втората позиција на табелата во СЕХА лигата. На натпреварот кој се одигра во салата „Автокоманда“ официјален домаќин беше Босна, а Металург победи со 31:19 (16:12).
На овој натпревар тренерот Лино Червар им даде шанса на сите играчи, а сите кои беа во составот успеаја да се запишат во листата на стрелците. Најефикасен беше Жарко Марковиќ со 7 голови.
На чело на табелата е Вардар Про со 44 бодови (18 натпревари), Металург има 42 (17), Загреб Кроација Осигурање 41 (16), Татран Прешов 37 (17), Нексе 33 (18), Борац Бања Лука 29 (18),...