Рафаел Надал се пласира во осмина финалето од АТП Мастерс турнирот во Мајами откако го совлада Радек Степанек со 6-2 6-2 во сетови. Шпанецот во следната фаза ќе се сретне со Кеи Нишикори од Јапонија, кој и покрај проблемите со повредата на ногата успеа да го елиминира Лукас Росол со 6-4 6-2 во сетови. Надал ја брка првата титула во Мајами, а тенисерот број 2 само ја продолжи серијата без пораз против Степанек од кого нема загубено уште од 2004-та година.
Енди Мареј се пласира во осмина- финалето без да упати удар со рекетот откако противникот Милош Раончиќ го предаде мечот поради болки во зглобот. Мареј во следната рунда ќе се сретне со 13-иот рекет Жил Симон кој веќе го елиминира Јурген Мелцер со 7-6 6-4.
Кај дамите, Венус Вилијамс со валјд карта се врати на турнирите. Таа имаше проблеми, но успеа да ја елиминира Александра Вознијак со 4-6, 6-4, 7-6 (7/5), а во осмина финалето ќе се сретне со Ана Ивановиќ која веќе ја елиминира Даниела Хантучова со 6-2, 7-6 (7/2).
Марион Бартоли ја победи Симона Халеп со 6-4, 7-6 (8/6), а Агнежка Радванска беше подобра од Силвија Солер- Еспиноса од Шпанија со 6-1, 6-2.