Новак Ѓоковиќ успеа да го елиминира Давид Ферер во второто четврт-финале од Мастерс турнирот во Мајами и со 6-2, 7-6(1) во сетови да се пласира во полу-финалето.
Таму ќе се сретне со Хуан Монако кој го елиминираше Марди Фиш со 6-1, 6-3 во сетови, па полу-финалните двојки кај тенисерите сега гласат: Новак Ѓоковиќ - Хуан Монако и Енди Мареј - Рафаел Надал.
Кај дамите финалето ќе се состои од Марија Шарапова и Агнежка Радванска. Русинката Шарапова со 4-6, 6-2, 6-4 по 2 и пол часовна борба ја елиминираше Каролин Вознијачки во првото полу-финале, а во второто Радванска беше подобра од Марион Бартоли од Франција со 6-4 6-2 во сетови.