Ракометарите на Металург имаат можност да го одбранат трофејот во Купот на Македонија, но затоа да го направат тоа ќе мора да остварат две победи денеска и в недела. Металург триумфираше последните три години во ова натпреварување.
Според програмата денеска полуфиналните натпревари кои ќе се играат во СЦ „Борис Трајковски“ ќе почнат со натпреварот Вардар Про и Пелистер (почеток 17 часот и 45 минути), а второто полуфинале Металург – Куманово се игра со почеток од 20 часот и 10 минути.
Победниците од полуфиналните натпревари в недела од 17 часот и 30 минути ќе се борат во 20.то јубилејно финале.
Досега победници на Купот на Македонија биле: Вардар Про 7 трофеи, Пелистер 5, Металург 4, Куманово, Борец и ТК Бренд по 1.