Нашиот ракометен шампион во триумфален марш низ Европа! Металург вечерва го продолжува својот фантастичен старт во Лигата на Шампионите, откако во Данска на колена падна Силкеборг. 23-26 беа доволни за Металург да има три победи од исто толку натпревари во престижното натпреварување на Европа.
Откако во Франција падна Шамбери, а во Скопје Горење, вечерва гордите момци на стратегот Лино Червар докажаа дека се подготвени за висок дострел и покрај помошта од судиите која што ја имаа домаќините. Дарко Станиќ, Ренато Вугринец и Наумче Мојсовски беа најзаслужни за поразот на Данците.
Дарко Станиќ имаше неверојатна бројка од 21-на одбрана на натпреварот и тој беше клучна фигура за победата, додека Наумче Мојсовски постигна 7 голови.
Следниот викенд на гости во Скопје ни доаѓа рускиот Санкт Петербург.