Македонскиот ракометен шампион, Металуг вечерва во салата Борис Трајковски дојде до четвртата победа во четвртото коло од Лигата на шампиони, а овој пат ракометарите предводени од Лино Червар убеливо го поразија тимот на Санкт Петерсбург. Конечниот резултат во Борис Трајковски салата гласеше 32-19 за Металург.
Гостите од Русија во првиот дел од второто полувреме пружија отпор, па резултатот на полувремето гласеше 15-11 за Металург.
Во второто полувреме Металург беше подоминантен на теренот, а Дарко Станиќ со одлични 16 одбрани и Ренато Вугринец со 11 гола беа најдобрите поединци во тимот од Автокоманда..
Јуриј Семенов и Елдар Насјуров со 4 постигнати гола беа најефикасните ракометари во тимот на Санкт Петерсбург.
Металург моментално се наоѓа на врвот на табелата во групата Ц со 8 освоени бода.
Следниот натпревар Металург во групната фаза од ЛШ го игра на 18-ти ноември против тимот на Виве Тарги Киелце од Полска, повторно во Салата Борис Трајковски.