Во Србија денес започнува 10-то Европско првенство за ракометарки на кое настапува и Македонија, која своите натпревари ќе ги игра во групата во Ниш во која се и селекциите на Франција, Шведска и Данска.
Ракометарките го продолжуваат континуитетот на учество на големите ракометни настани и оваа година по петти пат ќе бидат дел од Европската елита. На последното ЕП во 2008-та година Македонија го освои 7-то место.
Ракометната селекција се наоѓа во тешка група со ракометарките на Франција, Данска и Шведска. Македонија својата шанса ќе ја бара со евентуално изненадување против Франција со која што играме уште денеска од 18:15 часот или пак против Данска и Шведска, кои имаат смена на генерации во своите репрезентации.
И овој пат се очекува голем број македонски фанови да отпатуваат во Ниш и да ја бодрат репрезентацијата на Македонија, како што беше во јануари оваа година кога играше машката селекција.
Распоред на натпревари:
17:45 Украина - Чешка
18:05 Црна Гора - Исланд
18:15 Македонија - Франција
18:15 Германија - Шпанија
20:15 Хрватска Унгарија
20:15 Норвешка-Србија
20:15 Романија- Русија
20:15 Шведска-Данска