Иако македонската ракометна репрезентација, на официјалниот интернет сајт на СП во ракомет кое денес почнува во Шпанија беше именувана под уставното име, од вчера таа повторно се води како ФИРОМ Македонија.
На официјалниот сајт на првенството, не се дадени никакви објаснувања за промената, но постојат повеќе коментари на истоимениот профил на социјалната мрежа Facebook, од револтирани македонски навивачи.
Промената е направена во во групното претставување на сите репрезентации- учеснички и во засебното претставување на Македонија и нејзиниот тим.
Македонија првиот натпревар на СП во Шпанија ќе го одигра утре, а противник ќе ни биде репрезентацијата на Чиле.