Во пресрет на утрешниот натпревар против Исланд, селекторот на македонската ракометна репрезентација Звонко Шундовски фаворитската улога му ја препушти на противникот.
- Репрезентацијата на Исланд е фаворит во дуелот со Македонија, пред се заради нивното реноме во светскиот ракомет, а како ќе заврши натпреварот најмногу зависи од нас. Ќе мораме брзо да се враќање од напад во одбрана и пред се да се направи брз фаул за да можеме да се замениме. За разлика од првите две средби кога игравме со Чиле и Катар, на следните дуели против селекциите од Европа мислам дека ќе ни биде полесно во нападот. Очекувам да играат одбрана 6-0 агресивно, изјави Шундовски.
Македонија денеска има слободен ден на Светскиот шампионат, а утре од 18 часот во 3.кокло од Б групата, во Севиља игра против Исланд.