Тренерот на македонскиот ракометен шампион Лино Червар верува дека со исполнување на три клучни елементи Металург може до успешен резултат против Киелце.
- Киелце е уверен дека ќе не победи, а за да им ги расипеме сметките ќе треба да исполниме три услови. Не смееме да се надигруваме и во одбрана треба да играме многу храбро, во нападот треба да бидеме трпеливи, без технички грешки, како и да играме на малку голови, изјави тренерот на Металург.
Лино Червар верува дека Металург може да напрваи историски успех и покрај двата пораза во групата од полскиот претставник.
- Киелце не победи два пати во групата, но тогаш одигравме два рамноправни натпревари и заради тоа може да се надеваме дека можеме да се пласираме на „Фајнл фор“ во Келн. Задоволството во спортот е тоа дека не победува секогаш фаворитот, а во овој случај тие се фаворити. Килеце е екипа која има на секоја позиција по двајца квалитетни ракометари.
Натпреварот од четвртфиналната фаза од Лигата на шампионите, Металург - Киелце се игра в недела од 17 часот во СЦ „Борис Трајковски“.