Машката ракометна репрезентација на Македонија вечерва во 20 часот против Швајцарија во Цирих го игра еден од најважните натпревари во последните неколку години. Победата е задолжителна, ако се сака пласман на Европското првенство во Данска во јануари 2014 година. Но, притоа и светскиот првак Шпанија ќе мора да ја победи Португалија на нејзин терен во Гимараеш.
Оваа ситуација е пред се поради нашиот пораз во Португалија во 2.коло (25:32), а тежината на натпреварот е и од причина што поради повреди во составот ги нема крилата Дејан Манасков и Гоце Георгиевски, а во текот на подготовките повредени беа Наумче Мојсовски и Филип Миркуловски. Со евентуална победа Македонија ќе ја прекине серијата од три порази по ред.
Во рамките на групата 1 Шпанија е веќе пласирана на ЕП, додека Швајцарија нема шанси.
Табела: Шпанија 8 бодови, Португалија 5, Македонија 2, Швајцарија 1.
Во рамките од 5.коло покрај двата натпревара од групата 1 денеска и утре се играат и другите дуели од оваа рунда.
Група 2: Израел – Чешка и Црна Гора – Германија.
Табела: Црна Гора 6 бодови, Германија 4, Чешка 4, Израел 2.
Група 3: Литванија – Франција и Турција - Норвешка.
Табела: Франција 8, Норвешка 4, Литванија 2, Турција 2.
Група 4: Летонија – Унгарија и Словачка – Хрватска.
Табела: Хрватска 6, Унгарија 6, Словачка 2, Летонија 2.
Група 5: Украина – Шведска и Холандија – Полска.
Табела: Полска 6, Шведска 6, Холандија 2, Украина 2.
Група 6: Белорусија – Исланд и Романија – Словенија.
Табела: Исланд 8, Белорусија 5, Словенија 3, Романија 0.
Група 7: Русија – Србија и БиХ – Австрија (утре).
Табела: Русија 6, Австрија 5, Србија 5, БиХ 0.