Светскиот шампион Шпанија во Гимараеш ја оствари и петтата победа во групата 1 совладувајќи ја синоќа Португалија со 30:23 (14:12) и со тоа ја остави Македонија во игра за второто место.
Освен во почетните минути кога домаќинот водеше и до средината на првиот дел резултатот беше изедначен, во целото второ полувреме „црвената фурија“ постепено го зголемуваше водството.
Ова воедно беше и прва победа во дебито на клупата за новиот селектор на Шпанија, Мануел Каденас.
Најефикасен на натпреварот беше Раул Ентрериос со 7 голови.
На чело на табелата е Шпанија со 10 бодови, пред Португалија со 5, Македонија има 4, а Швајцарија 1.
Во последното коло на 16.јуни во Скопје, Македонија и Португалија во директен дуел ќе решат за 2.место. На нашата репрезентација потребна и е победа.