Натпреварот од 4. коло во Лигата на шампионите меѓу Меалург и Динамо (Минск) го одбележа и реакцијата на првиот голман на македонскиот вицешампион Дарко Станиќ, кој одби да влезе во игра во првото полувреме. Тој се налути откако Червар го извади од игра поради слабите интервенции, па потоа не сакаше да се врати во игра. Се караше со Лино, влезе во конфликт со цел стручен штаб, а не ги следеше ниту тајм-аутите. Влезе на стартот од вториот дел, но по кратко, повторно беше заменет.
„Дарко во последните седум дена не тренираше. Тој има проблеми за кои не би сакал да ве заморувам, се надевам дека ќе ги надмине тие проблеми и дека ќе биде фокусиран за следните натпревари. Секогаш сум им давал поддршка на моите играчи и така ќе биде и овој пат. Не би сакал воопшто да претерувам околу иднината на Станиќ, само ќе повторам дека се надевам тој ќе ги надмине проблемите со кои се соочува“ изјави Червар.