Прес конференцијата на ракометниот клуб Металург пред дуелот од СЕХА лигата со Татран Прешов беше искористена и за актуелната состојба со голманот Дарко Станиќ, кој е суспендиран од клубот за постапката на неделниот натпревар од Лигата на шампионите со Динамо Минск.
- На Станиќ никој не може да му го одземе придонесот за резултатите што ги има постигнато за клубот, исто како и на другите играчи. Но, не е демагогија кога велам дека тимот е најдобар играч. Мислам дека Металург сакаат да се претстави како случаен клуб. Металург не е тоа. Металург е семејство, а како и во секое семејство така и кај нас има проблеми. Но, проблемите се да се решаваат, изјави Лино Червар, тренерот на ракометниот клуб Металург.
Претседателот на клубот клубот Ристо Чокрев, појасни дека Станиќ тренира со тимот и дека тој во текот на следната недела ќе биде со својата репрезентација Србија во рамките на „неделата на ЕХФ“.