По разочарувачкиот настап на Вилмблдон Серена Вилијамс се врати на тениските терени со победа на првиот меч на ВТА турнирот Стамфорд. Светската тенисерка број 1 ја збриша Каролина Плишкова со 7:5 и 6:2 пред преполната арена за само 64 минути.
„Одиграв храбро и многу добро. Мислам дека сум на вистинскиот пат, возбудена сум и очекувам да одиграм добро и на другиот меч.
Серена за противник во четвртфиналето ќе го очекува подобриот од мечот меѓу петтата носителка Ана Ивановиќ и квалификантот Керол Жао.
ЕДНА ОД ФАВОРИТКИТЕ ИСПАДНА
Финалистката од минатиот Станфорд, Агњешка Радванска испадна од трката по трофејот по поразот од 59. тенисерка на светската ранкинг листа Варвара Лепченко. Полската тенисерка го загуби дуелот со 2:1 по сетови откако во последниот ништо не ѝ одеше. За Лепченко тоа беше само трета победа во 24. меч против тенисерките што се на првите 10 места на ВТА листата. Следна пречка за Лепченко ќе биде Американката Сакија Викери
Ли На се повлече од УС Опен
Кинеската тенисерка Ли На нема да се натпреварува на УС Опен кој почнува на 25 август поради повреда на коленото. Нејзе ѝ е сугерирано да го прескокне престижниот турнир за да не си создаде дополнителни проблеми. Ли има проблеми со двете колена. Во април таа се повлече од турнир во Европа поради левото колено, а на Вимблдон настапуваше со бандажирано десно колено. Се очекува нејзин кам-бек на терените на Вухан Опен во Кина во септември.