Конечно, и една добра вест за фановите на Металург. За неделниот натпревар со Кил, македонскиот шампион би можел во тимот да го има Ренато Вугринец.
Македонскиот репрезентативец е на пат комплетно да ја санира повредата на дланката, а останува само уште да се искристализира неговиот статус во клубот.
„Јас ниту во еден момент не сакав да заминам од Металург, туку сакав работите да се решат“, прокоментира Вугринец на една од шпекулациите за неговото наводно заминување.
И Червар во изјавите за македонски медиуми најави дека Вугринец би можел да биде во тимот в недела, но сето ова ќе го земеме со задолжителната доза на резерва, кога е во прашање Металург.