Нашите ракометари во тежок натпревар со репрезентација на Босна и Херцеговина успеаја да ја остварат и третата победа и да обезбедат пласман во осмина финалето на Светското првенство во Катар.
По одличниот старт и водството од 6-1 почна мачниот период за нашата репрезентација. Во текот на целиот натпревар нашите ракометари се мачеа и многу тешко успеваа да остварат поголемо водство.
Нашиот капитен Кире Лазаров прикажа бледа партија, но затоа пак останатите беа на солидно ниво и успеавме да ги победиме Босанците со три голови разлика. Утре нашите репрезентатици одмараат, а следниот натпревар го играме в среда против репрезентацијата на Хрватска.
Во вториот меч од нашата група, селекцијата на Хрватска го победи Иран убедливо со 41:22 со што ја остварија третата победа.