Македонската репрезентативка Робертина Мечевска паднала од петти спрат и моментно се бори за живот во Ургентниот Центар во Скопје.
Настанот се случил во скопската населба Острово, од каде Мечевска веднаш била пренесена во Ургентниот Центар во Скопје.
Според СВР Скопје, Ургентниот центар во 16 часот и 45 минути пријавил дека е донесено женско лице Р.М. (1984) од Скопје во неконтактибилна состојба, со повреди од пад од висина на улицата „Владимир Комаров“.
Екипи на МВР вршат увид, по што ќе бидат соопштени и причините за падот.
Робертина Мечевска досега настапувала за неколку македонски екипи, а од минатиот месец е членка на ЖРК Вардар.