Некогашната аргентинска убавица, 38-годишната Солањ Мањано, почина од компликации што и се јавиле по операцијата на зацврстување на задникот
Мањано починала од белодробна емболија, откако три дена се борела за својот живот во болница во Буенос Аирес.
Како што пренесуваат американските медиуми, близок пријател на Мањано изјави дека постапката на задникот се изведувала исклучиво со инјекции и дека најверојатно течноста што била вбризгана влегла во нејзините бели дробови и во мозокот.
-Жената имаше се, а го загуби животот затоа што сакаше да има малку поцврст задник, додаде тој.
Лекар од болницата во која почина поранешната мисица изјави дека веќе по доаѓањето во болницата таа била во тешка здравствена состојба.
Мањано учествувала на натпреварот за Мис на светот во 1994 година, а во 2001 година родила близнаци.
Нејзиниот погреб бил прикажан на аргентинската телевизија.