Kога сте помислиле дека ви е добро во животот, сте завршиле училиште, работите, уживате и не се грижите, од сите страни почнуваат да ве прашуваат кога ќе се жените. Одеднаш почнувате да сфаќате дека додека сте уживале и сте се забавувале малку по малку многу од вашите пријатели стапиле во брак.
"Кога мислиш да се ожениш?" Почесто одите на свадби, а многумина па дури и вашите пријатели доаѓаат до вас со едно прашање: Кога мислиш да се ожениш? Веќе не ви е интересно да заглавувате до ниедно време со пријателите и се чувствувате се повеќе осамено. Кога во ситуацијата ќе се замешаат родителите и ќе почнат да прашуваат кога ќе добијат внуци, нештата дополнително се усложнуваат.
И вие мислите дека е време за женење
Ако ова е само притисок од страна, вие ќе го продолжите вашиот живот, без одговор на нивните коментари. Кога ќе биде време да промените нешто ќе го направите тоа. Но, што ако, станете свесни дека сакате да се „смирите“ ? Како да ја пронајдете вистинската личност?
Не се согласуваме
Оваа ситуација можете да ја решите на два сосема погрешни начини. Може да реагирате одбранбено на притисокот и ниту за жива глава да не сакате брак или пак да се ожените со првата што ќе налета, па потоа да сфатите дека воопшто не си одговарате.
Што можете да направите?
Одете во потрага по жена. Барајте некој со кого имате заеднички интереси и уверувања. Некој кој ќе има позитивно влијание врз вас и ќе ви помогне да растете како личност. Сепак, тоа нема да биде лесно. Бидете свесни дека ова е ваш живот и токму поради тоа не треба брзо да донесувате важни одлуки, особено не само затоа што другите го прават тоа.
