Се мислите што вкусно да подготвите и да ги израдувате блиските со нешто благо?
Подгответе ги овие невообичаени крофни кои денеска се хит во Африка. Всушност станува збор за тесто со путер кое е пржено во врел зејтин, исплетено во интересна форма. Крцкава кора од надвор, мека текстура од внатре и сето ова надополнето со прекрасна арома на путер.
Потребни состојки:
- 250 гр. брашно
- 2 1/2 лажички сув квасец
- 170 мл. млако млеко
- 3 лажички шеќер
- Прстофат сол
- 3 лажици растопен путер
- 1 јајце
- Масло за пржење
- Шеќер за превалкување
Начин на подготовка:
Во длабок сад ставете го брашното, а во друг сад на страна ставете го млекото и квасецот. Промешајте и оставете 2 минути да одмори. Додадете ги шеќерот, јајцето и растопениот путер. Добро промешајте и додадете ја смесата во брашното. Додадете го и прстофатот сол и замесете меко тесто од сите овие состојки.
Оставете да одмори околу 1 час на собна температура. Поделете го тестото на 12 еднакви делови и секој дел расукајте го во долга лента свиткајте го на половина и исплетете го парчето кон краевите. Оставете да одморат уште 20 минути пред да ги испржите. Пржете ги во загреано масло на средна температура. Пржете ги околу 3-4 минути од секоја страна. Исцедете ги од вишокот маснотија на кујнска крпа и извалкајте ги во шеќер. По желба во обичниот шеќер додадете и 1 пакетче ванилин шеќер. Сервирајте додека се топли и по желба додадете чоколаден прелив.
Добар апетит и забавно готвење!
За повеќе рецепти посетете ја официјалната ФБ страна на Давор, Dave’s Kitchen.