Кога сте на одмор сакате да уживате и да се одморите, но и да ви биде пријатно и удобно шетајќи се по долгите плажи или пристаништа. Па така често одбирате едноставни парчиња за да ги облечете.
Овој пат, ви нудиме од марама да направете фустан. Сè што ви е потребно е една поголема марама и белегзија. Обвиткајте се со марамата на тој начин што краевите ќе дојдат нанапред, отприлика над градите, како што е прикажано на фотографијата.
Потоа, провлечете ги краевите преку белегзијата и поставете ја точно над градите.
Земете го едниот крај од марамата и обвиткајте го преку белегзијата, а истото направете го и со другиот крај.
Подигнете ги и двата краја на марамата, како на фотографијата.
Потоа само заврзете ги на вратот.
Веќе сте подготвени за следната прошетка. Фустанот не само што ќе ве освои вас, туку и останатите ќе посакаат да го направат.
