Прославениот македонски менаџер Велибор Џаровски- Џаро, кој на Балканот е познат како „крал на наместените работи“, за кој тврдат дека во животот наместил повеќе од 100 фудбалски натпревари ширум Југославија, за српскиот портал Telegraf открива шокантно тврдење – дека целиот шоу-програм X-Factor е наместен!
Џаро тврди дека и финалето ќе биде наместено и дека го има известено дури и Даниел Кајмакоски дека ќе биде наместен и нема да победи.
- Апсолутно мислам дека целото натпреварување е наместено и тоа ми беше јасно во вторникот кога испадна Илма, вели Џаро.
- Се сомневав од самиот почеток. Знаете дека во првенствата не ги местат сите натпревари, туку само една. А тоа во вторникот беше наместено. Кога во обложувалница некој ќе ме прашаше кој ќе испадне, секогаш погодував, а последен пат реков дека не смеат да испаднат „Доктори“ и Лукијан затоа што Кристина и Емина ќе останат без кандидати. И гласовите на публиката намерно погрешно се бројат. Не е битно кој гласа, туку кој ги брои гласовите. Па ова е Балкан, 90% од ваквите натпревари се наместени. Жал ми е за Даниел, кој по исфрлањето на Илма остана фаворит. Рекоа дека Илма е многу млада и дека поради тоа ја исфрлаат. Тоа значи дека кога во 1987-та го освоивме како јуниори Светското првенство, Просинечки и Мијатовиќ не требаа да играат, додава Џаро.
На примедбата дека X-Factor е со странска лиценца, поради што можеби неговите обвинувања нема да звучат многу сериозно, Џаровски вели:
- Тоа нема врска, што ако лиценцата е странска. Ова е Балкан и ова е прилагодено за наш менталитет. Тука не смееше да се случи некој од менторите да остане без свој кандидат и поради тоа Маид и Илма беа во двобој, бидејќи беа вишокот, т.е. беа вториот натпреварувач кај менторите. Жељко го имаше Даниел, Кики Тамара, додека Ковач ги има Доктори. Ова се вам ви објаснува, завршува Велибор.
Очигледно дека после ова и после лавината од коментари и препукувања во изминатите два дена на адреса Илма и родителите наспроти X-Factor, Емина, Кристина и Кики, останува само да гледаме сеир. Дали навстина сè e наместено како што тврдат Џаро и Илма не можеме да знаеме, останува да почекаме да заврши финалето и да го дознаеме победникот.