Шведскиот поп-бенд АББА има намера да издаде пет нови песни следната 2021 година. Ова, за британската Радиоемисија на Џеф Лојд, го изјави Бјорн Улвеус – еден од членовите на групата.
Според Бјорн, композициите се веќе снимени и требало да бидат објавени кон крајот на 2019 година, но тоа не се случило поради технички пречки, a потоа поради пандемијата на коронавирус.
Последниот студиски албум на АББА беше објавен во 1982 година, а необјавени песни потоа беа претставувани 1993 и 1994 година.
Четиричлениот состав е основан во 1972 година, од страна на Агнета Фелтског, Ани-Фрид Лингстад, Бјорн Улвеус и Бени Андерсон. За 10 години групата објави осум албуми.