Синоќа се оддржа долго најавуваниот концерт на Дино Мерлин во спортскиот центар „Борис Трајковски“. Салата беше преполна, а публиката со нетрпение очекуваше да започне авантурата во која тој не понесе.
![](http://images.idividi.com.mk/images/dino_tels.JPG)
Кога тој излезе на сцена со куфер, ни посака добредојде во неговиот „Хотел Национал“, како што се вика најновиот албум и не покани да уживаме. Освен неговиот бенд, на сцена го придружуваа ди-џејот кој се грижеше да вметне некои електронски делови во песните, како и неверојатниот вокал, Алма. Се започна со неговите најнови песни, за потоа да продолжи со најголемите хитови „Supermen“, „Sve je laz“, „Kad si rekla da me volis“, „Nedostajes“ и многу други.
- Јас сум сега исто како едно мало дете кое сонува и сонува и сонува. Вие сте мојот сон, изјави возбудениот Дино.
Со оглед на неговата возраст, пејачот изгледаше како едно момче кое мошне добро владее со сцената, а богами и со ритамот. Навистина заслужува огромни пофалби.
Текст: И.В.
Фото: Н. Вуковиќ