Германија - Шпанија 68:77 (15:16, 18:20, 22:20, 13:21)
Турција - Франција 64:68 (14:12, 13:19, 17:26, 20:11)
Србија - Литванија 90:100 (24:26, 20:28, 24:24, 22:22)
Во новормираната група Е репрезентацијата на Шпанија со доста мака успеа да слави во дуелот со селекцијата на Германија со резултат 77:68 и тоа по далеку подбрата игра во последната четвртина. Најдобри во победничкиот тим беа браќата Гасол, Марк со 24 и Пол со 19 поени, додека кај Германците како по обичај подобар од останатите беше Новицки со 19 поени.
Кошаркарската репрезентација на Франција ја забележа и шестата победа на Евробаскетот во Литванија откако во меч од 1. коло од втората фаза на натпреварувањето ја совлада Турција со 68:64. "Триколорите" со овој триумф сигурно си обезбедија пласман во четвртфиналето. Со 20 поени, шест скока и пет асистенции Паркер беше најдобар актер на мечот. Туркоглу со 13 поени беше најефикасен кај Турците.
Кошаркарите на Литванија втората фаза на ЕП на кое се домаќини, ја отворија со триумф против Србија. Литванците до победа ги предводеше Калниетис со 19 поени, додека најефикасен меѓу Србите беше Крстиќ со 21 поен.