Во вториот натпревар од групата Ф, Македонија ја победи Словенија. Добрата игра во одбраната на нашите кошаркари повторно ни донесе успех во првото полувреме, кое го добивме со 39:31. Во второто полувреме постепено го зголемувавме водството и во еден момент имавме предност од највисоки 17 поени.
Нашите кошаркари ја одржаа предноста до крајот на натпреварот и резултатот по четвртиот период беше 68:59 во корист на Македонија. Мораме да истакнеме дека на овој натпревар блесна Владо Илиевски кој конечно се покажа во своето вистинско светло и постигна 14 поени. Покрај Илиевски најефикасен во нашиот состав беше повторно Бо МекKејлеб со 19 поени. Најефикасен во составот на Словенија беше Драгиќ со 20 поени.