Вилнус, 12 септември 2011 (МИА) - Македонската кошаркарска репрезентација вечерва во Вилнус е поразена од Русија со резултат 63:61. Прекината е серијата од шест последователни победи на Европското првенство во кошарка што се одржува во Литванија.
Избраниците на Марин Докузовски се наоѓаа пред уште една победа, но Русите победија со тројката постигната со звукот на сирената која го означува крајот на натпреварот.
По овој пораз Македонија како вторпласирана во осминафиналната група „Ф“ во четвртфиналето за противник ја доби третопласираната од групата „Е“, репрезентацијата домаќин на еврошампионатот Литванија.