Давид Бабунски веќе е сигурно дека нема да го носи повеќе дресот на Барселона Б. Тимот во кој нашиот најдобар млад фудбалер ја мина целата своја досегашна кариера вчера со пооразот од Хуелва и дефинитивно испадна од втората по ранг лига во Шпанија и идната сезона ќе биде третолигаш. Вториот состав на актуелниот освојувач на лигата на шампионите е тема на исмејување затоа што и покрај сериозниорт фонд на играчи и скаутинг од целиот свет, сепак не успеа да обезбеди опстанок ниту во втората лига.
Па така голем дел од играчите меѓу кои и Давид Бабунски сигурно го напуштаат клубот и заедно со своите менаџерски тимови на големо бараат следна клубска дестинација. Ситуацијата со Бабунски во моментов не е ни малку едноставна затоа што нашиот играч во изминатата сезона имаше многу мала минутажа, и речиси и да не настапуваше за тимот. Ако се знае дека за еден млад играч е преку потребно да игра, во било која конкуренција затоа што е неопходно да собира пред се искуство и рутина во играта, тоа значи дека Бабунски е пред сериозна одлука во кариерата. Уште една „статива“ во која тој ќе одбере клуб каде нема да игра сериозно ќе го стави под знак прашалник неговиот фудбалски развиток и талентот кој е несомнен. Ние многупати сме потврдиле и констатирале дека немаме десет играчи кои биле дел од познатата „Ла масија“ фудбалска школа на Барселона, туку го имаме само Давид Бабунски и му посакуаме оваа сезона во Барса Б и бламажата со испаѓањето од втората лига да биде само почеток на нешто далеку подобро и поубаво во неговата кариера.