Репрезентативецот на Гана, Сали Мунтари, официјално го раскина договорот со Милан, потврдено е на официјалниот сајт на италијанскиот клуб.
Како што е соопштено, разделбата е направена на „пријателски“ начин така што Мунтари во моментов е слободен играч.
За неговите услуги се заинтересирани неколку тимови вклучувајќи го и Евертон, а во случај да потпише договор со овој клуб, Ганецот би се вратил во Премиер лигата, каде што играше за Портсмут и Сандерленд.
Мунтари пристигна во Милано во 2012 година. Во претходната сезона во Серија А одигра 16 натпревари и постигна два гола. Настапуваше уште и за Удинезе и Интер.